पृष्ठ

मंगलवार, 1 सितंबर 2009

तालिया वाली बुढ़िया माई॥

लड़बद्दु के खटिया पर से ॥

रोज जाय तकिया हेराई॥

परेतिनबन के आवे लागी॥

तालिया वाली बुढ़िया माई॥

जब गदेलन घुमय जाय॥

फताही धोती पहिन देखाई॥

परेतिनबन के आवे लागी॥
तालिया वाली बुढ़िया माई॥

कहू अकेले नाही जातय अब ॥

तालिया वाले नारे माँ॥

गलती जैसे कय बैठा तो॥

ऐथत मिले निनारे माँ॥

घर वालें कय नौबत चटके॥

रोजी घर म होय ओझाई॥

परेतिनबन के आवे लागी॥
तालिया वाली बुढ़िया माई॥

महगाई से हाल बुरा ब ॥

महगाई से हाल बुरा ब ॥
रोवय पेटू बोटी का॥
चार दिना से नही ब खाए॥
सब्जी मिलय न छोटी का॥

बाप बेहाल विधाता कोशय॥
कैसे कर्मठ गांठी राम॥
लरिकन का कैसे समझायी॥
चौपट धंधा छूटा काम॥
नन्कौवा बनियानी का फाड़े॥
रूपया मांगे लंगोटी का...

यही झंझट म देही बोली गय ॥
पौरुष तन से भागत ब॥
कैसे चले अब घर कय खर्चा॥
रात बहेतू जागत बा॥
कहा से रूपया मांग के लायी ॥
आता नही बा रोटी का॥

चारव जूनी चाचर होत॥
ऊब गवा बा जान॥
तल्लुक्दारय उलटा बोलाय ॥
होत रोज अपमान॥
bओले महरिया छत के ऊपर॥
हठ कर बैठी धोती का॥

महगाई से हाल बुरा ब ॥
रोवय पेटू बोटी का॥